عبدالسلام کنہ کی یاد میں فٹبال ٹورنامنٹ

شمالی کشمیر کے ضلع بارہمولہ کے سوپور قصبہ کے سبحان اسٹیڈیم میں آج سلام میموریل فٹ بال ٹورنامنٹ کا انعقاد کیا گیا۔

ضلع بارہمولہ کے قصبہ سوپور میں آج ایک فٹبال ٹورنامنٹ کا انعقاد کیا گیا۔ یہ ٹورنامنٹ عبدالسلام کنہ کی یاد میں منعقد کیا گیا ہے۔

ای ٹی وی بھارت کے ساتھ بات کرتے ہوئے ٹورنامنٹ کے منتظم مشتاق احمد نے بتایا کہ عبدالسلام کنہ جو ضلع بارہمولہ کے معروف فٹ بالر تھے ان کی یاد میں اس ٹورنامنٹ کا آغاز کیا گیا ہے۔

انہوں نے بتایا کہ عبدالسلام کنہ کی موت پچھلے سال ایک سڑک حادثہ میں واقع ہوئی تھی۔ انہوں نے مزید بتایا کہ ٹورنامنٹ کے آرگنائزر کا کہنا ہے کہ اس ٹورنامنٹ میں چھتیس ٹیموں نے حصہ لیا ہے اور آج کا ابتدائی میچ اقبال اسپورٹنگ سوپور اور ویلی سواکر سوپور کے بیچ کھیلا گیا۔ آخر میں اس ابتدائی میچ کا نتیجہ برابر رہا۔