ای ٹی وی بھارت کی خبر کا اثر، سرینگر - مظفرآباد شاہراہ کی مرمت

ریاست جموں کشمیر کے شمالی ضلع بارہمولہ میں کانسپورہ کے نزدیک سرینگر - مظفر آباد شاہراہ کی خستہ حالی سے متعلق ای ٹی وی بھارت نے چند روز قبل ایک خبر مشتہر کی تھی۔

شاہراہ پر جگہ جگہ گہرے گھڑے بن گئے تھے جن میں بارش کا پانی جمع رہتا تھا۔ علاوہ ازیں خستہ حالی کے سبب اکثر و بیشتر ٹریفک جام کے سبب عوام کو کافی دقتوں کا سامنا کرنا پڑتا تھا۔

خبر کا سنجیدہ نوٹس لیتے ہوئے ضلع انتظامیہ نے شاہراہ کی مرمت کا کام شروع کر دیا۔

قابل ذکر ہے کہ سرینگر - مظفرآباد شاہراہ تجارتی، ثقافتی اور تاریخی لحاظ سے انتہائی اہمیت کی حامل ہے۔