Drug Peddler Arrested in Baramulla اوڑی میں منشیات فروش گرفتار، چرس برآمد

گزشتہ روز ایک خاتون منشیات فروش کو گرفتار کرنے کے بعد جمعرات کو بارہمولہ پولیس نے ایک اور منشیات فروش کو گرفتار کرکے چرس برآمد کرنے کا دعویٰ کیا ہے۔ Charas Recovered in North kashmir

بارہمولہ:شمالی کشمیر میں ضلع بارہمولہ کے سرحدی علاقے نوشہرہ، بونيار میں جموں و کشمیر پولیس نے ایک منشیات فروش کو گرفتار کرکے اس کی تحویل سے منشیات برآمدکرنے کا دعویٰ کیا ہے۔ ای ٹی وی بھارت کو موصول ہوئی اطلاعات کے مطابق اوڑی کے بونیار علاقے میں پولیس نے ایک منشیات فروش کی تحویل سے 105 گرام چرس برآمد کرکے منشیات فروش کو حراست میں لے لیا۔

بارہمولہ پولیس منشیات فروش کی شناخت طاہر احمد ولد عبد الرحمن ساکنہ نوشہرہ، بونيار کے طور پر کی ہے۔ اس ضمن میں جموں و کشمیر پولیس نے پولیس اسٹیشن بونيار میں ایک کیس درج کرکے مزید تفتیش شروع کر دی ہے۔ یاد رہے کہ اوڑی میں ہی گزشتہ روز بارہمولہ پولیس نے ایک خاتون منشیات فروش کو گرفتار کرکے اس کی تحویل سے پانچ گرام براؤن شوگر برآمد کر لیا تھا۔ قبل ازیں بارہمولہ پولیس نے گزشتہ ہفتوں قریب چھ منشیات فروشوں کو گرفتار کیا ہے۔

شمالی کشمیر کے پلوامہ ضلع میں جموں و کشمیر پولیس نے گزشتہ روز ایک خاتون سمیت چار منشیات فروشوں کو حراست میں لیکر ان کی تحویل سے براؤن شوگر اور چرس برآمد کرنے کا دعویٰ کیا تھا۔ منشیات کے بڑھتے رجحان اور کاروبار کے حوالہ سے گرچہ پولیس کی جانب سے سخت اقدامات اٹھائے جا رہے ہیں تاہم اس کے باوجود منشیات معاشرے میں تیزی سے پھل رہا ہے۔ ماہرین کا دعویٰ ہے کہ منشیات کے بڑھتے رجحان کے سبب دیگر جرائم بشمول لوٹ مار اور ڈاکہ زنی جیسے واقعات میں بھی اضافہ ہوا ہے۔