شمالی کشمیر کے سوپور میں سی آر پی ایف افسر حرکت قلب بند ہونے سے ہلاک

سوپور کے پنزالہ علاقے میں بدھ کی شب دوران ڈیوٹی سی آر پی ایف کے ایک اسسٹنٹ سب انسپکٹر کی اچانک سینے میں شدید درد پیدا ہونے کے باعث طبیعت ناساز ہوگئی۔

شمالی کشمیر کے قصبہ سوپور کے پنزالہ علاقے میں گذشتہ شب سینٹر ریزرو پولیس فورس (سی آر پی ایف) کے ایک افسر کی حرکت قلب بند ہونے سے موت واقع ہوئی۔

سرکاری ذرائع نے بتایا کہ سوپور کے پنزالہ علاقے میں بدھ کی شب دوران ڈیوٹی سی آر پی ایف کے ایک اسسٹنٹ سب انسپکٹر کی اچانک سینے میں شدید درد پیدا ہونے کے باعث طبیعت ناساز ہوگئی۔

انہوں نے بتایا کہ مذکورہ افسر کو اپنے ساتھیوں نے فوری طور سب ضلع ہسپتال روہامہ منتقل کیا جہاں ڈاکٹروں نے انہیں مردہ قرار دیا۔

متوفی کی شناخت شیر سنگھ کے بطور ہوئی ہے جو سی آر پی ایف کی 92 بٹالین سے وابستہ تھے۔