سوپور: سی آر پی ایف نے ماسک تقسیم کیے

شمالی کشمیر میں ضلع بارہمولہ کے سوپور قصبہ میں سی آر پی ایف نے فیس ماسک تقسیم کیے۔ `

شمالی کشمیر کے قصبہ سوپور میں سی آر پی ایف کی 179 بٹالین کی جانب سے لوگوں کو مفت فیس ماسک فراہم کیے گئے۔

اس موقعے پر ای ٹی وی بھارت کے ساتھ بات کرتے ہوئے سی آر پی ایف 179 بٹالین کے کمانڈنگ افسر کمال سنگھ نیگی کا کہنا تھا کہ ’’ہم نے آج آرم پورہ سوپور میں عوام کو کورونا وائرس سے حفاظت کے لیے ایک حفاظتی کِٹ فراہم کیا جس میں فیس ماسک، صابن اور نیپکنز رکھے گئے تھے۔‘‘

انہوں نے مزید کہا کہ ’’سی آر پی ایف ہمیشہ ہر جنگ میں عوام کے ساتھ ہے اور اس کوروناوائرس کی جنگ میں بھی سی آر پی ایف عوام الناس کے شانہ بہ شانہ کھڑی ہے۔‘‘

قابل ذکر ہے رواں ہفتے وادی کے تاجروں کی ایک انجمن نے حکومت کو ایک لاکھ ماسکس فراہم کرنے کا اعلان کیا ہے۔

کمانڈنگ افسر نے عوام سے گزارش کی کہ وہ غیر ضروری طور اپنے گھروں سے باہر نہ نکلیں اور لاک ڈائون کو کامیاب بنا کر وائرس کی زنجیر کو توڑنے میں انتظامیہ کا ساتھ دیں۔