ضلع بارہمولہ میں کانگریس کا جلسہ

ریاست جموں و کشمیر کے ضلع بارہمولہ کے اوڈی قصبہ میں کانگریس کے سینئر رہنماؤں نے ووٹروں سے خطاب کیا۔

پارٹی کے سینئر رہنما تاج محی الدین نے سیکڑوں پارٹی کارکنان سے خطاب کرتے ہوئے مرکزی حکومت کی سخت نکتہ چینی کی۔

تاج محی الدین نے کہا کہ وزیراعظم نریندر مودی نے دفعہ 35 اے کو ہٹانے کی بات کی ہے جو ناقابل فہم ہے۔ انہوں نے کہا کہ مرکزی حکومت ہر محاذ پر ناکام ہوئی ہے۔۔

انہوں نے کہا کہ 'کانگریس پارٹی دفعہ 35 اے کے تحفظ کے لیے ہمیشہ آگے آئے گی چاہے اس کے لیے ہمیں کوئی بھی قدم اٹھانا کیوں نہ پڑے'۔