بارہمولہ: ’اور جہلم بہتا رہا‘ نامی کتاب کی رسم رونمانی

شمالی کشمیر کے ضلع بارہمولہ میں ’’اور جہلم بہتا رہا‘‘ کتاب کی رسم رونمائی تقریب کے دوران محفل مشاعرہ سمیت محفل افسانہ کا بھی اہتمام کیا گیا۔

ضلع بارہمولہ کے نامور مصنف خالق پرویز کے افسانوی مجموعہ ’’اور جہلم بہتا رہا‘‘ کی رسم رونمائی کی تقریب کے دوران وادی کے مختلف علاقوں سے آئے قلمکاروں، ادیبوں اور شعرا نے شرکت کی۔

رائٹرس فورم بارہمولہ کی جانب سے بارہمولہ میں رسم رونمائی کی تقریب انجام دی گئی۔ اس میں مقررین نے خالق پرویز کے افسانوی مجموعہ پر اپنے تاثرات پیش کیے۔

رسم رونمائی تقریب کے بعد ایک مختصر مشاعرہ اور محفل افسانہ کا بھی انعقاد کیا گیا۔

تقریب میں ڈاکٹر رفیق مسعودی، راجہ نذر بونیاری سمیت متعدد ادیبوں، شعرا اور قلمکاروں نے شرکت کر کے خالق پرویز کے افسانوی مجوعہ کی پذیرائی کی۔