Block Divas in Baramulla بارہمولہ میں بلاک دیوس منعقد کیا گیا

جموں و کشمیر کے ضلع ترقیاتی کمشنر بارہمولہ ڈاکٹر سید سحرش اصغر نے لوگوں سے خطاب کرتے ہوئے کہا کہ 'حکومت کی اسکیمز سے زیادہ سے زیادہ استفادہ کریں۔ اس موقعے پر حکام کو زیر التوا ترقیاتی منصوبوں کو بروقت مکمل کرنے کی ہدایت دی گئی۔

بارہمولہ:شمالی کشمیر کے ضلع بارہمولہ کے رفیع آباد چھوٹی پورہ اچھبل میں آج ضلع انتظامیہ بارہمولہ کی جانب سے بلاک دیوس پروگرام کا انعقاد کیا گیا۔ اس موقع پر ضلع ترقیاتی کمشنر (بارہمولہ) ڈاکٹر سید سحرش اصغر مہمان خصوصی کے طور پر موجود رہی اور ان کے ہمراہ ضلع انتظامیہ کے دیگر چھوٹے بڑے افسران بھی موجود تھے۔
اس دوران ضلع ترقیاتی کمشنر بارہمولہ ڈاکٹر سید سحرش اصغر نے لوگوں سے خطاب کرتے ہوئے کہا کہ 'حکومت کی اسکیمز سے زیادہ سے زیادہ فائدہ حاصل کریں، مذکورہ علاقہ میں پیش آنے والی دشورایوں کو جلد از جلد دور کیا جائے گا، اس کے علاوہ جو بھی ترقیاتی منصوبے زیر تعمیر یا زیر التوا ہیں انہیں بر وقت مکمل کرنے کی ہدایت دی گئی ہے۔
انہوں نے مزید کہا کہ ضلع انتظامیہ بارہمولہ مسلسل بارہمولہ اور اس کے مختلف علاقوں میں مستقبل میں بھی اس قسم کے پروگرام کرتی رہے گی۔
انہوں نے مزید کہا کہ اس گرام سبھا پروگرام سے لوگوں کے کافی مسئلے و مسائل حل ہوتے ہے اور ہماری کوشش ہے کہ ہم ضلع بارہمولہ کے ہر ایک گاؤں دیہات میں جاتے ہے اور اس قسم کے پروگرام منعقد کرتے ہیں۔

اس موقعے پر مقامی لوگوں نے خوشی کا اظہار کیا اور بتایا کہ آج ڈی سی بارہمولہ نے ہمارے حلقہ میں اس پروگرام کو منعقد کر کے لوگوں کے مئلے و مسائل سنے اور ان کو دور کرنے کا وعدہ کیا۔ انہوں نے کہا کہ سرکار نے بارہمولہ کے مختلف علاقوں میں کافی کام کۓ ہے اور مستقبل میں بھی ہم سرکار کے ساتھ شانہ بشانہ کام کر کے ان کے سارے مسئلے حل کریں گے۔