شمالی کشمیر کے ضلع بارہمولہ کے ٹنگمرگ گاوں میں پچھلے چند دنوں سے علاقے میں خوف برپا کرنے والے ایک جنگلی ریچ کو پکڑنے میں محکمہ وائلڈ لائف نے کامیابی حاصل کی۔
شمالی کشمیر کے ٹنگمرگ میں ریچھ پکڑ لیا گیا مقامی لوگوں نے بتایا کہ علاقے میں گزشتہ دنوں ریچ کے حملے سے دو مقامی افراد زخمی ہو گئے تھے، جس کی وجہ سے علاقے میں خوف و ہراس کا ماحول تھا۔ اکثر لوگ صبح وشام کو گھروں سے باہر نکلنے میں خوف محسوس کرتے تھے۔
چنانچہ مقامی لوگوں نے ریچھ کی موجودگی کی اطلاع پر محکمہ وائلڈ لائف ٹنگمرگ کو دی جنہوں نے گاؤں میں پنجرہ نصب کیا جس میں ریچھ پھنس گیا۔ جو نہی اتوار کی صبح لوگوں نے ریچھ کو پنجرے میں بند پایا تو انہوں نے خوشی کا اظہار کرتے ہوئے محکمہ وائلڈ لائف کا شکریہ ادا کیا۔
محکمہ نے جنگل کے نزدیک آباد لوگوں سے اپیل کی ہے کہ وہ صبح اور شام گھروں سے باہر نکلنے میں احتیاط کریں، کیونکہ بھاری برفباری کے بعد جنگلی جانور خوراک کی تلاش میں نزدیکی بستیوں کا رخ کرسکتے ہیں۔
