ضلع بارہمولہ کے سرحدی قصبہ اوڑی میں لوگوں نے نائب تحصیلدار سمیت ریونیو کے دیگر افسران کے خلاف ناراضگی کا اظہار کرتے ہوئے Uri Residents Demand action Against Naib Tehsildar ان کے خلاف کارروائی اور انہیں تبدیل کیے جانے کا مطالبہ کیا۔ اوڑی کے باشندوں نے الزام عائد کرتے ہوئے کہا کہ نائب تحصیلدار ان کے ساتھ بدتمیزی سے پیش آتے ہیں اور اپنے عہدے کا غلط استعمال کر رہے ہیں۔
انہوں نے مزید کہا: ’’جو بھی ان کے پاس کسی بھی کام کے لیے جاتا ہے وہ نہ صرف کام کرنے سے انکار کرتا ہے بلکہ لوگوں کے ساتھ بدتمیزی بھی کرتا ہے۔‘‘ جاوید احمد نامی ایک مقامی باشندے نے ای ٹی وی بھارت کے ساتھ بات کرتے ہوئے کہا: ’’اپنے بچوں کے لئے پہاڑی سپیکنگ سرٹیفکیٹ کے لیے میں گزشتہ چار ماہ سے تحصیل آفس کے چکر کاٹ رہا ہوں۔‘‘
انہوں نے دعویٰ کیا کہ افسران خصوصا نائب تحصیلدار نہ صرف سرٹیفیکیٹ جاری کرنے سے انکار کرتے ہیں بلکہ لوگوں کے ساتھ بدتمیزی بھی کرتے ہیں۔ مقامی باشندوں نے حکام سے محکمۂ مال کے افسران خصوصا نائب تحصیلدار اوڑی کے خلاف کارروائی یا انہیں تبدیل کرنے کا مطالبہ کیا۔