بارہمولہ: حیدربیگ، پٹن میں تلاشی کارروائی

شمالی کشمیر کے ضلع بارہمولہ کے حیدر بیگ، پٹن میں سکیورٹی فورسز کی جانب سے بڑے پیمانے پر تلاشی کارروائی شروع کردی گئی ہے۔

حفاظتی اہلکاروں کو عسکریت پسندوں کی موجودگی کی اطلاع موصول ہونے کے بعد فوج، سی آر پی اور جموں و کشمیر پولیس کی مشترکہ ٹیم نے ضلع بارہمولہ کے حیدر بیگ، پٹن کو محاصرے میں لیکر تلاشی کارروائی شروع کردی۔

علاقے میں تمام داخلی اور خارجی راستوں پر پہرے بٹھادئیے گئے ہیں اور گھر گھر تلاشی کارروائی کا سلسلہ بھی شروع کردیا گیا ہے۔

کسی بھی فرد کو گھر یا علاقے سے باہر نکلنے کی اجازت نہیں دی جارہی ہے۔

خبر لکھے جانے تک محاصرہ اور تلاشی کاررورائی جاری تھی۔