بارہمولہ: ایک پولیس افسر نے بتایا کہ پولیس اسٹیشن پٹن میں چوری کی ایک واردات سے متعلق ایف آئی آر، 240/22 زیر دفعہ 457، 380 آئی پی سی کے تحت درج کرنے کے بعد فوری طور تحقیقات شروع کی گئی۔ نقب زنی کا یہ واقعہ بٹ کالونی، میرگنڈ، پٹن میں پیش آیا جہاں نقب زن رہائشی مکان سے ہزاروں روپے مالیت کا سامان لے اُڑے۔ Burglary Cases Solved in Baramulla
بارہمولہ پولیس نے تفتیش کے دوران تین افراد کو پوچھ گچھ کے لیے حراست میں لے لیا جن میں اعجاز احمد ملہ، سید عبید شاہ ولد سید مصطفی شاہ اور ظفر حسین وانی ولد نثار احمد وانی ساکنان یکھ من پورہ، پٹن شامل ہیں۔ پولیس کے مطابق گرفتار شدگان نے تفتیش کے دوران جرم کا اعتراف کیا اور ان کے انکشاف پر ان کے قبضے سے تانبے کے برتن، جوتے، سونے کی انگوٹھی اور نقدی برآمد ہوئی۔