بارہمولہ: موسلادھار بارش سے اوڑی کے علاقے کمل کوٹ میں پل ٹوٹا

پل کے ٹوٹ جانے سے گاؤں کا رابطہ پوری طرح منقطع ہو گیا ہے، بھاری بارش سے متعدد سڑکیں زیر آب ہو گئی ہیں۔

شمالی کشمیر کے ضلع بارہمولہ کے اوڑی کے علاقے کمل کوٹ میں بھاری بارش سے پل ٹوٹ گیا ہے۔ اس دوران موسلادھار بارش سے وادی کشمیر کے مختلف علاقے متاثر ہوئے ہیں اور بہت سی سڑکیں زیر آب ہیں۔

چند گھنٹوں کی شدید بارش کے نتیجے میں اوڑی سےکمل کوٹ قاضی ناگ نالہ پل ٹوٹ گیا۔ یہ پل گاؤں میں روزانہ آنے اور جانے کے لئے استعمال کیا جاتا تھا۔

جمعرات کو دوپہر کے بعد ہوئی شدید بارش کی وجہ سے اوڑی علاقے کمل کوٹ قاضی ناگ پل کے ٹوٹ جانے سے گاؤں کا رابطہ منقطع ہو گیا ہے، جہاں سے ہر دن سینکڑوں لوگوں کا آنا جانا ہوتا ہے۔ پل کے گر جانے کی وجہ سے لوگ پریشان ہیں۔

مقامی لوگوں نے انتظامیہ سے مطالبہ کیا ہے کہ جلد ازجلد اس پر غور کیا جائے اور پل کی مرمت کرائی جائے۔ تاکہ آمدورفت بحال ہوسکے۔