اوڑی: منشیات فروش گرفتار

شمالی کشمیر کے قصبہ اوڑی میں جموں و کشمیر پولیس نے منشیات فروش کو گرفتار کرکے براؤن شوگر کو ضبط کر لیا ہے۔

شمالی کشمیر کے ضلع بارہمولہ کے سرحدی قصبہ اوڑی کے بونیار علاقے میں پولیس نے ہفتے کے روز ناکے کے دوران ایک منشیات فروش کو گرفتار کیا اور اس کے قبضے سے 130 گرام براؤن شوگر بر آمد کیا۔

ایس ڈی پی او اوڑی نے بتایا کہ مصدقہ اطلاع کے بعد ناکہ پارٹی نے ایک گاڑی کو روک کر تلاشی کے دوران 130 گرام براؤن شوگر ضبط کر لیا۔

انہوں نے مزید کہا کہ منشیات لے جا رہے عطاء اللہ منگرال ولد مشتاق احمد منگلال ساکنہ داوران کو حراست میں لیا گیا اور گاڑی کو ضبط کر لیا گیا ہے۔

اس ضمن میں اوڑی پولیس نے ایف آئی آر درج کرکے مزید تحقیقات شروع کردی گئی ہے۔