بارہمولہ: محکمہ آیوش کی جانب سے امیونٹی بوسٹر کی تقسیم

شمالی کشمیر کے ضلع بارہمولہ کے سوپور قصبہ میں آج ڈیپارٹمنٹ آف انڈین سسٹم میڈیسن آیوش بارہمولہ کی جانب سے کووڈ-19 مریضوں کو امیونٹی بوسٹر کی دوا فراہم کی گئی۔

میڈیا سے بات کرتے ہوئے ڈاکٹر ریاض احمد خان نے کہا کہ آج ہم نے ویلکن اسکول سوپور کے کووڈ ویلنس سینٹر میں یہ دوائیاں تقسیم کی۔

انہوں نے کہا کہ ہم پچھلے چار مہینوں سے لگاتار ہر کوارنٹین سینٹر میں دوائیاں پہنچاتے ہیں جس میں ہم نے میونسپل کونسل، اور پولیس کے ساتھ ساتھ فورسز میں بھی یہ دوائی تقسیم کی۔

انہوں نے مزید کہا کہ یہ ایک قسم کا تربیتی پروگرام ہے جس میں ہم کوشش کرتے ہیں جو میں اس وقت کورونا وائرس کی لپیٹ میں آتا ہے اس کو بچایا جائے۔