ضلع بارہمولہ کے دور دراز علاقہ واڑورہ، سوپور میں سنٹرل ریزرو پولیس فورس (سی آر پی ایف) کی 92بٹالین نے ایک میڈیکل کیمپ کا انعقاد کیا جس میں ماہر ڈاکٹروں نے مقامی مریضوں کا مفت معائنہ کیا۔
طبی کیمپ میں معائنے کے بعد مریضوں کو سی آر پی ایف کی جانب سے ادویات بھی مفت فراہم کی گئیں۔
مقامی لوگوں نے طبی کیمپ کے انعقاد پر سی آر پی ایف کا شکریہ ادا کرتے ہوئے مستقبل میں بھی اس طرح کے کیمپ کے انعقاد کی امید ظاہر کی۔
کیمپ کے انعقاد کے حوالے سے سی آر پی ایف کے افسران نے بتایا کہ لوگوں کی حفاظت کے ساتھ ساتھ فوج، نیم فوجی دستوں اور پولیس کی جانب سے لوگوں کی جسمانی اور ذہنی تندرستی کی خاطر کئی پروگرام منعقد کیے جاتے ہیں۔
واڈورہ، سوپور میں منعقد کیے گئے طبی کیمپ کے متعلق تفصیلات فراہم کرتے ہوئے انہوں نے کہا کہ کیمپ میں 200کے قریب مریضوں کا معائنہ کرنے کے علاوہ ادویات بھی مفت تقسیم کی گئیں۔