اوڑی: ریچھ کے حملے میں پچپن سالہ شخص زخمی

شمالی کشمیر کے اوڑی، بارہمولہ میں ریچھ کے حملے میں ایک 55 سالہ شخص شدید زخمی ہوگیا۔

ضلع بارہمولہ کے سرحدی قصبہ اوڑی میں ریچھ نے 55 سالہ شخص پر حملہ کرکے اسے شدید زخمی کردیا۔

آفیشیلز کے مطابق چولان، اوڑی کے رہنے والے 55 سالہ بشیر احمد ولد فقیر احمد مغل کو بدی بہک کے جنگلی علاقے میں ریچھ نے حملہ کرکے لہولہان کردیا۔

انہوں نے مزید کہا کہ زخمی ہوئے بشیر احمد کو مقامی باشندوں نے فوری طور پر طبی مرکز موہورا پہنچایا جہاں ابتدائی طبی امداد کے بعد معالجین نے انہیں سرینگر کے صورہ اسپتال ریفر کردیا۔

قابل ذکر ہے کہ گزشتہ کئی دنوں سے وادیٔ کشمیر کے مختلف علاقوں میں جنگلی جانوروں کے حملے میں کئی افراد زخمی جب کہ متعدد فوت ہوچکے ہیں۔