شمالی کشمیر میں ضلع بارہمولہ کے نسیم باغ، سوپور میں جمعہ کو 28 سالہ نوجوان کی لاش برآمد کی گئی۔ اطلاعات کے مطابق مقامی افراد نے پیر زادہ عمر نامی ایک نوجوان کو بے ہوشی کی حالت میں پاکر اسے فوری طور پر سب ضلع اسپتال پہنچایا۔ اسپتال پہنچاتے ہی ڈاکٹروں نے اسے مردہ قرار دے دیا۔
اس ضمن میں سوپور پولیس کی ایک ٹیم موقع پر پہنچی اور لاش کو اپنی تحویل میں لیکر قانونی و طبی لوازمات کے بعد آخری رسومات کے لیے لواحقین کے سپرد کردیا۔