Food Kit Distribution: تنظیم انصار النساء کی جانب سے غریب خواتین میں فوڈ کٹس کی تقسیم

سوپور میں 'انصار النسا' تنظیم کی جانب سے یتیم طالبات اور مسکین خواتین میں اشیاء خوردنی پر مشتمل کٹس تقسیم کیے گئے۔ Ansar Al-Nisa distributes food kits to poor women

بارہمولہ:شمالی کشمیر میں ضلع بارہمولہ کے سوپور میں آج ’انصار النسا‘ نام کی تنظیم کی جانب سے سوپور میں یتیم و غریب لڑکیوں اور مسکین خواتین میں فوڈ کٹس تقسیم کیے گئے۔ اس پروگرام کا مقصد غریب خواتین میں اشیائے خورد و نوش پر مشتمل فوڈ کٹس تقسیم کرنا تھا۔ اس موقع پر میڈیا سے بات کرتے ہوئے پروگرام کی منتظم ڈاکٹر مبینہ رمضان نے کہا کہ انصار النسا کا وجود 2014 میں عمل میں لایا گیا تھا تاہم تب سے وادی کے مختلف علاقوں میں متعدد غریبوں، مسکینوں، یتیموں اور بیواہ خواتین کی مدد کی گئی۔ Ansar Al-Nisa distributes food kits

انہوں نے بتایا کہ تنظیم کی جانب سے سوپور کے دفتر میں ایک تقریب کا اہتمام کیا گیا جہاں یتیم طالبات و غریب خواتین میں اشیائے خورد و نوش پر مشتمل فوڈس کٹس تقسیم کیے گئے۔ انصار النسا کی سرپرست اعلیٰ ڈاکٹر مبینہ رمضان نے بتایا کہ پچاس سے زیادہ کٹس تقسیم کیے گئے۔ انہوں نے بتایا کہ ہمارا مقصد زیادہ سے زیادہ خواتین کی مدد کرنا ہے۔