ڈگری کالج سوپور کے یوم تاسیس پر تقریب کا انعقاد

ڈگری کالج سوپور کے یوم تاسیس کے موقع پر منعقدہ تقریب میں مختلف ثقافتی و علمی پروگرامز پیش کیے گئے۔ پروگرامز سے طلبہ کافی محظوظ ہوئے۔

شمالی کشمیر کے ضلع بارہمولہ کے سوپور ڈگری کالج میں کالج کے یوم تاسیس کی نسبت سے تقریب کا اہتمام کیا گیا جس میں کالج طلباء سمیت اساتذہ نے بھی شمولیت کی۔

تقریب کے دوران مختلف ثقافتی و علمی پروگرامز منعقد کیے گئے۔ وہیں سوپور کے معروف گلوکار شفیع سوپوری نے اپنے فن کا مظاہرہ کرتے ہوئے کالج طلباء و اساتذہ سے داد تحسین حاصل کی۔

ذرائع ابلاغ کے نمائندوں سے بات کرتے ہوئے طلباء نے کہا کہ یوم تاسیس کی نسبت سے منعقد کیے گئے پروگرام سے سبھی کافی محظوظ ہوئے۔

یوم تاسیس کی تقریب میں طلبہ نے مختلف رنگا رنگ پروگرام پیش کیے۔