'عوام کو گندہ پانی فراہم کیا جا رہا ہے'

لوگوں کا الزام ہے کہ محکمہ جل شکتی کی جانب سے ان کو گندہ پانی فراہم کیا جاتا ہے، اس سے علاقے کے لوگوں کو کافی مشکلات کا سامنا ہے۔

شمالی کشمیر کے ضلع بارہمولہ میں واقع سوپور قصبہ کے لوگ پینے صاف پانی سے محروم ہیں۔ اس سے عوام پریشان ہے۔

ای ٹی وی بھارت کے ساتھ بات کرتے ہوئے سوپور کے بمئی آدی پورہ گاؤں کے لوگوں نے بتایا کہ محکمہ جل شکتی کی جانب سے ان کو گندہ پانی فراہم کیا جاتا ہے، اس سے علاقے کے لوگوں کو کافی مشکلات کا سامنا ہے۔

لوگوں کا کہنا ہے کہ 'ہم کو کیڑے مکوڑے والا پانی پینا پڑتا ہے اور اس سے اکثر و بیشتر علاقے میں لوگ بیمار پڑتے ہیں۔ ہم نے سرکار اور محکمہ جل شکتی سے کئی بار گزارش کی کہ وہ گاؤں میں صاف پانی فراہم کرے لیکن وہ ہماری نہیں سنتے ہیں۔

اس سلسلے میں ای ٹی وی بھارت کے ساتھ بات کرتے ہوئے ایگزیکٹیو انجینیئر جل شکتی سوپور غلام رسول نے کہا کہ ہم کل ایک ٹیم بمئی بھیجیں گے اور دیکھیں گے کہ علاقے میں کیوں گندہ پانی فراہم کیا جا رہا ہے۔ ہم وہاں کے پانی کا ٹیسٹ کریں گے۔' انہوں نے کہا کہ ہم نے وہاں پچاس ہزار لیٹر واٹر ٹینکی بھی بنائی ہے اور کچھ ہی دونوں میں ہم پورے علاقے کو صاف پانی فراہم کریں گے۔'