سوپور: مارکیٹ چیکنگ کے دوران جرمانہ وصول

اے ڈی سی سوپور نے میڈیا سے بات کرتے ہوئے کہا کہ کورونا وائرس سے بچاؤ کے لئے سماجی دوری کا خاص خیال رکھا جائے اور ماسک کا استعمال یقینی بنائیں۔

شمالی کشمیر کے قصبہ سوپور میں آج اے ڈی سی سجاد پرویز نے مارکیٹ کا اچانک دورہ کیا جس دوران انہوں نے حکومتی احکامات کی پاسداری نہ کرنے والوں سے جرمانہ وصول کیا۔ ایڈشنل ڈپٹی کمشنر سوپور کے ہمراہ نائب تحصیلدار سوپور محمد اشرف، تحصیل آفس اور اے ڈی سی آفس کے علاوہ میونسپل کمیٹی سوپور کے ملازمین موجود تھے۔

انہوں نے تمام دکانداروں سے اپیل کی کہ بنا ماسک گاہکوں کو چیزیں فروخت نہ کریں تاکہ کورونا وائرس سے متعلق جاری احکامات پر عمل درامد ہو۔

انہوں نے کہا ہمارا فرض ہے کہ ہم کورونا وائرس سے خود کو بھی محفوظ رکھیں اور دوسروں کو بھی بچائیں۔

اس حوالے سے اے ڈی سی سوپور نے میڈیا سے بات کرتے ہوئے کہا کہ کوروناوائرس سے بچاؤ کے لئے سماجی دوری کا خاص خیال رکھا جائے اور ماسک کا استعمال یقینی بنائے۔

انہوں نے دکانداروں سے گزارش کی کہ کھانے پینے کی چیزوں کو مناسب داموں میں فروخت کیا جائے۔

احتیاطی تدابیر کی خلاف ورزی کرنے کی پاداش میں اے ڈی سی سوپور نے دکانداروں اور عام لوگوں سے پانچ ہزار روپے بطور جرمانہ وصول کیا۔