تحصیلدار بانڈی پورہ نے منگل کو مین مارکیٹ کا دورہ کرکے خراب سبزیوں، زائد المیعاد اشیاء کو تباہ کرنے کے علاوہ گراں فروشی کے مرتکب کئی دکانداروں سے جرمانہ وصول کیا۔
محکمہ مال کے کئی افسران کے علاوہ جموں و کشمیر پولیس کی ٹیم بھی تحصیلدار کے ہمراہ تھی۔
بانڈی پورہ: مارکیٹ چیکنگ کے دوران دکانداروں پر جرمانہ عائد اس دوران انہوں نے عالمی وبا کورونا وائرس کے تناظر میں وضع کیے گئے رہنمایانہ اصولوں کی خلاف ورزی کرنے والے افراد خصوصا ماسک نہ پہننے والے افراد پر بھی جرمانہ عائد کیا۔
ذرائع ابلاغ کے نمائندوں سے بات کرتے ہوئے تحصیلدار بانڈی پورہ نے بتایا کہ انہوں نے دکانداروں خصوصاً قصابوں کو ریٹ لسٹ آویزان رکھنے اور مقرر کردہ نرخوں کے مطابق ہی اشیاء فروخت کرنے کی تلقین کی۔ اسکے علاوہ انہوں نے خراب ہوئی سبزی اور زائد المعیاد اشیاء کو ضبط کرکے انہیں تباہ کر دیا۔
اسکے علاوہ انہوں نے عوام سے کورونا وائرس کو پھیلنے سے روکنے کے لیے ماسک پہننے سمیت دیگر ایس او پیز پر من و عن عمل کرنے کی بھی اپیل کی۔
انہوں نے مزید کہا کہ مختلف دکانداروں، ڈرائیوروں اور راہگیروں سے چھ ہزار روپے سے زائد جرنامہ وصول کیا گیا۔
