بانڈی پورہ میں معذور افراد کے لئے خصوصی ویکسینیشن مہم

اس حوالے سے ضلع انتظامیہ نے ٹرانسپورٹ فراہم کر کے ان افراد کو منی سکرٹریٹ کے کانفرنس ہال میں جمع کیا۔ اس کے علاوہ ان کی حوصلہ افزائی کے لئے تحائف، قوت مدافعت ادویات، اور کھانے پینے کی اشیاء بھی بہم رکھی گئی تھیں۔

شمالی کشمیر کے ضلع بانڈی پورہ میں جسمانی طور معذور افراد کے لئے خصوصی ویکسینیشن مہم کا آغاز کیا گیا جس دوران ان میں قوت مدافعت بڑھانے والی ادویات بھی تقسیم کی گئیں۔

ضلع انتظامیہ کے مطابق بلاک بانڈی پورہ میں ایسے 52 افراد کی نشاندہی کر کے ان سبھی کو منگل کے روز ویکسین لگائی گئی۔

اس مہم کا اہتمام منی سکرٹریٹ کے کانفرنس ہال میں کیا گیا تھا۔ جہاں ڈاکٹروں کی ٹیموں کے ساتھ ساتھ ضلع ترقیاتی کمشنر بانڈی پورہ ڈاکٹر اویس احمد، سی ایم او بانڈی پورہ، ڈاکٹر بشیر، بی ایم او بانڈی پورہ ڈاکٹر مسرت بھی موجود رہیں۔

اس حوالے سے ضلع انتظامیہ نے ٹرانسپورٹ فراہم کر کے ان افراد کو کانفرنس ہال میں جمع کیا۔ اس کے علاوہ ان کی حوصلہ افزائی کے لئے تحائف، قوت مدافعت ادویات، اور کھانے پینے کی اشیاء بھی بہم رکھی تھیں۔

ضلع ترقیاتی کمشنر نے تفصیلات فراہم کرتے ہوئے کہا کہ ضلع کے دیگر بلاکوں میں بھی بہت جلد یہ مہم چلائی جائے گی۔ جبکہ جسمانی طور خصوصی اہمیت کے حامل افراد نے کافی مسرت کا اظہار کرتے ہوئے ضلع انتظامیہ کا شکریہ ادا کیا۔