حضرت غوث اعظم عبدالقادر جیلانی کا عرس مبارک نہایت ہی عقیدت و احترام کے ساتھ منایا گیا، اس سلسلے میں جہاں جگہ جگہ محافل و مجالس کا انعقاد کیا جارہا ہے وہیں شمالی کشمیر کے ترگام بانڈی پورہ میں کاروان اسلامی انٹرنیشنل کے زیر اہتمام سے بھی ایک تقریب کا انعقاد کیا گیا۔
ترگام سوناواری میں قائم جامعہ القادریہ میں بھی ایک تقریب کا انعقاد کیا گیا، اس تقریب میں کاروان اسلامی انٹرنیشنل کے صدر مولانا غلام رسول حامی کے علاوہ عقیدت مندوں کی کافی تعداد بھی موجود تھی۔
اس موقع پر مولانا غلام رسول حامی نے نماز جمعہ کی امامت کی اور بعد نماز خصوصی دعائیہ مجلس کا بھی اہتمام کیا گیا۔ مولانا غلام رسول حامی نے کہا کہ حضرت غوث اعظم کا عرس مبارک دنیا بھر میں آباد ان کے عقیدت مند بڑے احترام کے ساتھ مناتے ہیں اور اس موقعے پر خصوصی دعاؤں کا بھی اہتمام کیا جاتا ہے۔