ایک ایسے وقت میں جب لوگ کووڈ 19 سے خوفزدہ اور سہمے ہوئے ہیں۔ وہیں شمالی کشمیر کے بانڈی پورہ ضلع کے قرنطینہ مرکز میں رکھے گئے دو نوجوان قرنطینہ مرکز کی صفائی میں جٹ گئے ہیں۔
مذکورہ نوجوانوں کو بیرون ریاست سے وادی کشمیر پہنچنے کے بعد اتوار کو قرنطینہ مرکز میں رکھا گیا۔
مذکورہ نوجوانوں نے رضاکارانہ طور چترنار کے قرنطینہ مرکز کے احاطے کی صفائی کا کام شروع کیا ہے۔ احاطے میں پڑی پلاسٹک بوتلوں اور دیگر کوڑا کرکٹ جمع کر کے قرنطینہ میں رکھے نوجوان داد حاصل کر رہے ہیں۔
قرنطینہ مرکز میں رکھے جوانوں نے فون پر بتایا ’’قرنطینہ مرکز کے اطراف میں کوڑے کے ڈھیر دیکھ کر ہم چونک گئے اور صفائی ستھرائی کا بیڑا اٹھایا۔‘‘
