بانڈی پورہ میں ٹِپر اور ٹریکٹر ڈرائیوروں کا احتجاج آٹھویں روز میں داخل ہو گیا۔ رائلٹی میں شفافیت لانے کے مطالبے کے تعلق سے ان ڈرائیوروں نے اعلی حکام سے مطالبہ کیا کہ دوسرے اضلاع کی طرح یہاں بھی باضابطہ طور پر رائلٹی وصول کرنے کا سلسلہ شروع کیا جائے تاکہ وہ بنا کسی روکاوٹ کے کام کاج کر سکیں۔
اپنے مطالبات کی یکسوئی کے لیے ٹپر ایسوسی ایشن کا احتجاج بدستور آٹھویں روز جاری ہے۔ ٹپر ایسوسی ایشن نے ضلع انتظامیہ باندی پورہ اور لیفٹیننٹ گورنر سے اپیل کی ہے کہ اس مسئلے کا حل نکالا جائے، جس سے آگے چل کر ترقیاتی کام متاثر نہ ہوں۔
کنٹریکٹرس کا کہنا تھا کہ اگر یہ سلسلہ بدستور جاری رہا تو آگے چل کر ترقیاتی کام بہت زیادہ متاثر ہوں گے۔ کشمیر میں ترقیاتی کاموں کا سیزن محض چند مہینوں پر محیط ہوتا ہے، اس لیے اس مسئلے کا حل ڈھونڈنے میں فریقین کو ہر طرح کی کوشش کی جانی چاہئے۔