Thana Divas in Sumbal سمبل سوناواری میں پولیس کی جانب سے 'تھاںہ دیوس' کا انعقاد

پولیس نے ضلع بانڈی پورہ کے سمبل سوناواری علاقہ میں عوام اور پولیس کے ساتھ دوستانہ تعلقات قائم کرنے کے لیے تھانہ دیوس کا انعقاد کیا گیا۔ اس پروگرام میں مقامی لوگوں سمیت عوامی نمائندہ نے شرکت کی۔Thana Divas in Sumbal

بانڈی پورہ:شمالی کشمیر کے سب ضلع سمبل میں پولیس نے منشیات اور دیگر سماجی جرائم سے معاشرے کو صاف رکھنے کی غرض سے تھانہ دیوس کا انعقاد کیا گیا۔اس اجلاس میں سوناواری علاقے سے تعلق رکھنے والے عوامی نمائندوں کے علاوہ عام لوگوں نے شرکت کی۔ یہ اجلاس ایس ایچ او ظہور احمد کی صدارت میں منعقد ہوا اور ان کے ہمراہ اس موقع پر ڈی ڈی سی ممبر طاہر قادری بھی موجود تھے۔Thana Divas in Sumbal

اس دوران پولیس نے بتایا کہ مختلف سماجی برائیوں کا خاتمہ کرنے کے لیے پولیس اور عوام کے درمیان باہمی تال میل کی ضرورت ہے اور ان سماجی برائیوں کا خاتمہ تبھی کیا جاسکتا ہے جب عوام اور پولیس کے درمیان دوستانہ تعلقات قائم ہوں گے۔ اس کے علاوہ پولیس نے شرکاء کو یقین دلایا کہ بانڈی پورہ میں پولیس منشیات اور دیگر معاشرتی جرائم کے خاتمے کے علاوہ امن و استحکام کو برقرار رکھنے کے لئے عوام کے ساتھ کندھے سے کندھا ملا کر کام کر رہی ہے۔