بانڈی پورہ: نالے میں کوڑا ڈالنے سے بیماریاں پھیلنے کے امکان

مقامی لوگوں کے مطابق سوناواری میں موجود نالہ گندگی اور کوڑا کرکٹ کی آماجگاہ بن گیا اور لوگ اس میں کوڑا کرکٹ ڈالتے ہیں۔

شمالی کشمیر کے ضلع بانڈی پورہ کے سود نارہ سوناواری میں موجود پانی کا نالہ گندگی کے ڈھیر میں تبدیل ہو گیا ہے۔

مقامی لوگوں کا کہنا ہے کہ یہ نالہ گندگی اور کوڑا کرکٹ کی آماجگاہ بن گیا اور لوگ اس میں گندگی ڈالتے ہیں۔ انہوں نے شکایت کی ہے کہ اس نالہ سے وہاں موجود بستی میں بیماریاں پھوٹ پڑنے کے امکانات ہیں، جس کے متعلق انتظامیہ کو اقدامات کرنے چاہئے۔

ان کا کہنا ہے کہ محکمہ آبپاشی و فلڈ کنٹرول ڈیپارٹمنٹ اس نالہ کی صفائی شروع کرے ورنہ یہاں بیماریاں پھوٹ پڑنے کے امکانات ہیں۔

ایک مقامی شہری نے کہا کہ 'نالہ میں جمع گندگی اور کوڑے کی وجہ سے یہاں دور دور تک بدبو پھیل رہی ہے جس کی وجہ سے یہاں سے پیدل چلنا کافی دشوار ہو گیا ہے۔ انہوں نے بتایا کہ وہ چاہتے ہیں کہ محکمہ اس کی صفائی کا انتظام کریں۔ اس کے علاوہ انہوں نے مقامی لوگوں سے بھی اپیل کی کہ وہ اس نالہ میں گندگی ڈالنے سے گریز کریں کیونکہ اس وجہ سے وہ اپنے ہی ہاتھوں اپنا سرمایہ برباد کرتے ہیں اور ایک دوسرے کو زک پہنچا رہے ہیں۔