گریز-تلیل سڑک پر برف ہٹانے کا عمل جاری

شمالی کشمیر کے ضلع بانڈی پورہ کے سرحدی علاقہ گریز میں برف کا ہٹانے کا عمل جاری ہے-

گریز اور تلیل کے درمیان جانے والی رابطہ سڑک حالیہ دنوں میں ہوئی برفباری کی وجہ سے ٹریفک کی نقل و حمل کے لیے مسدود ہوکر رہ گئی تھی۔ تاہم انتظامیہ نے سڑک پر برف ہٹانے کا عمل تیز کردیا ہے تاکہ تلیل وادی کو گریز سے ملانی والی سڑک ٹریفک کے لیے جلد سے جلد بحال ہوسکے-

خیال رہے گریز اور تلیل میں سردیوں کے مہینے میں بھاری برفباری ہوتی ہیں جس کی وجہ سے ان علاقوں کا رابطہ بانڈی پورہ اور کشمیر وادی سے منقطع ہوجاتا ہے-

اس کے علاوہ تلیل اور گریز کے درمیان بھی رابطہ کبھی کبھار منقطع ہوجاتا ہے جس کی وجہ سے لوگوں کو کافی دقتوں کا سامنا کرنا پڑتا ہے-

انتظامیہ نے گریز اور تلیل کو ملانے والی سڑک پر جمع برف کو ہٹانے کا عمل تیز کردیا ہے تاکہ جلد سے سڑک ٹریفک کے لیے بحال ہو سکے۔