گریز میں آتشزدگی، متعدد مکانات خاکستر

شمالی کشمیر کے ضلع بانڈی پورہ کے گریز سیکٹر میں ہفتے کی رات ہوئی آتشزدگی میں کئی رہائشی مکانات کو نقصان پہنچا ہے۔

اطلاعات کے مطابق گریز سیکٹر میں بدواب طلیل اور بکتور میں ہفتے کی رات زبردست آگ بھڑک گئی، جس کے نتیجے میں متعدد مکانات اور دکان سمیت مال و مویشی کو نقصان پہنچا ہے۔

گریز میں آتشزدگی، متعدد مکانات خاکستر

ایک پولیس عہدیدار نے بتایا کہ آتشزدگی کے واقعے میں کئی مکانات مکمل طور پر زمین بوس ہوچکے ہیں جبکہ دس سے زائد مکانات کو جزوی طورپر نقصان پہنچا ہے اور تقریبا تیس مویشی بھی اس زد میں آگئے۔

انہوں نے مزید کہا کہ تاہم گھروں میں رہائش پذیر تمام لوگوں کو بحفاظت نکال لیا گیا اور کسی جانی نقصان کی اطلاع نہیں ہے۔

ان کا مزید کہنا تھا کہ چمنی کی وجہ سے آگ لگی ہے، تاہم پولیس نے واقعے سے متعلق ایک مقدمہ درج کیا ہے اور تفتیش جاری ہے۔