بانڈی پورہ: عسکریت پسندی کے الزام میں نابالغ گرفتار

امتیاز احمد کا تعلق بانڈی پورہ کے پنزی گام گاؤں سے ہے۔ پولیس کا دعویٰ ہے کہ اس نے عسکری صف میں شمولیت اختیار کی تھی۔

سیکیورٹی فورسز نے آج ایک نوعمر عسکریت پسند کو پتوشے گاؤں سے گرفتار کرنے کا دعویٰ کیا ہے۔ گرفتار شدہ امتیاز احمد پندرہ روز سے لاپتہ تھا اور اس کی عمر چودہ برس بتائی جا رہی ہے۔

امتیاز احمد کا تعلق بانڈی پورہ کے پنزی گام گاؤں سے ہے۔ پولیس نے دعوی کیا ہے کہ اس نے عسکری صف میں شمولیت اختیار کی ہے۔

اس حوالے سے ایس ایس پی بانڈی پورہ راہل ملک نے پولیس لائنز بانڈی پورہ میں ایک پریس کانفرنس کر کے یہ تفصیلات فراہم کیں۔