بانڈی پورہ میں سیکیورٹی فورسز کا محاصرہ

جنوبی کشمیر کے ضلع پلوامہ اور شمالی کشمیر کے ضلع بانڈی پورہ میں سکیورٹی فورسز کی جانب سے تلاشی کارروائی جاری ہے۔

اطلاعات کے مطابق بانڈی پورہ کے اجس علاقے اور پلوامہ کے ترال میں عسکریت پسندوں کی موجودگی کی اطلاع ملنے کے بعد جموں کشمیر پولیس کے سپیشل آپریشن گروپ اور 13راشٹریہ رائفلز کی ایک مشترکہ کاروائی میں اس علاقے کو محاصرے میں لیکر تلاشی کارروائی شروع کی ہے۔

ترال میں تلاشی کارروائی کے دوران سی آر پی ایف اہلکاروں کی بندوق سے حادثاتی طور پر گولی چلی جس کے باعث ایک اہلکار زخمی ہوا ہے۔

سکیورٹی فورسز نے علاقے کے تمام داخلی اور خارجی راستوں کو بند کیا اور وہاں سخت ناکے بٹھائے ہیں-

بتادیں کہ علاقے میں سکیورٹی فورسز کی بھاری نفری تعینات کردی گئی ہے- تازہ ترین اطلاعات موصول ہونے تک محاصرہ جاری تھا۔