پہاڑی علاقہ ہونے کے باعث معمولی بارش کی وجہ سے اس ندی میں پانی کا بہاو بہت بڑھ جاتا ہے۔ اُس وقت اس ندی کو پار کرنا نا ممکن سا ہوجاتا ہے۔
حالانکہ اپنی مدد آپ کے تحت مقامی لوگوں نے لکڑی کا ایک عارضی پل تعمیر تو کیا ہے لیکن تاہم اس پر بڑے دل والے ہی چلنے کی ہمت جٹا پاتے ہیں۔
بچوں کو اسکول جانے کے لئے پانی کی سطح پر ہی منحصر رہنا پڑتا ہے۔ جبکہ ان کی مائیں کنارے پر اپنے دل کو تھام کر بیٹھی رہتی ہیں۔
چند سال قبل اس نالے پر ایک پل تعمیر کیا گیا تھا، لیکن ناقص مواد استعمال کرنے کے باعث یہ پل محض چار سال کے اندر ہی ڈہہ گیا۔
مقامی آبادی نے ہر دفتر کے چکر لگائے تاہم ان کی یہ محنت فی الحال بے سود ثابت ہو رہی ہے۔
جب ای ٹی وی بھارت نے ڈی ڈی سی بانڈی پورہ سے اس بارے میں بات کی تو انہوں نے اس بات کا اقرار کرتے ہوئے کہا کہ یہ پہلے بھی ان کی نوٹس میں آیا ہے اور اس ضمن میں انہوں نے یقین دلایا کہ متعلقہ محکمے کو پہلے ہی ہدایات جاری کی گئیں ہے اور اس مشکل کا ازالہ بہت جلد کیا جائے گا۔