بجلی کی مسلسل تخفیف اور اضافی بلوں کے خلاف احتجاج

مظاہرین نے اس دوران سمبل۔ سوپور اور سمبل حاجن روڈ پر دھرنا بھی دیا۔ اس دوران مظاہرین کا کہنا تھا کہ جہاں علاقے میں ایک طرف بجلی کا کہیں نام و نشان تک نہیں ہے وہیں دوسری طرف اضافی بجلی بلوں کی وجہ صارفین پریشان ہیں۔

شمالی کشمیر کے ضلع بانڈی پورہ کے عشم سوناواری میں بجلی کی مسلسل کٹوتی سے پریشان لوگوں نے احتجاجی مظاہرہ کرتے ہوئے بجلی کی بحالی کا مطالبہ کیا۔

اس سلسلے میں بدھ کے روز عشم سوناواری علاقے سے تعلق رکھنے والے لوگوں نے محکمہ بجلی کے خلاف احتجاجی مظاہرہ کرتے ہوئے نعرے بازی کی۔ مظاہرین نے اس دوران سمبل۔ سوپور اور سمبل حاجن روڈ پر دھرنا بھی دیا۔ اس دوران مظاہرین کا کہنا تھا کہ جہاں علاقے میں ایک طرف بجلی کا کہیں نام و نشان تک نہیں ہے وہیں دوسری طرف اضافی بجلی بلوں کی وجہ صارفین پریشان ہیں۔

احتجاج میں شامل لوگوں کا کہنا تھا کہ' مذکورہ علاقے میں بجلی کی مسلسل کٹوتی سے انہیں کافی مشکلات کا سامنا کرنا پڑ رہا ہے۔ مزید مسلسل کٹوتی سے یہاں کے لوگ اندھیرے میں زندگی گزارنے پر مجبور ہیں۔'

مظاہرین نے بجلی محکمے کے خلاف نعرے بازی کرتے ہوئے اضافہ کو کم کرنے اور بجلی کو بحال کرنے کا مطالبہ کیا۔ انہوں نے کہا کہ وہ گذشتہ کئی ماہ سے بغیر بجلی کے زندگی گزارنے پر مجبور ہیں جبکہ وہ لوگ بجلی بل وقت پر ادا کرتے ہیں۔'

انہوں نے متنبہ کیا کہ جب تک ان کا مسئلہ حل نہیں ہوتا تب تک وہ احتجاج جاری رکھیں گے۔'