سمبل سوناواری کے علاقہ شادی پورہ سے تعلق رکھنے والے منظور احمد نے مقامی پٹواری پر زمین کے کاغذات جاری کرنے کے بدلے ان سے رشوت طلب کرنے کا الزام عائد کیا ہے۔
انہوں نے دعویٰ کیا کہ جب وہ اپنی زمین کے دستاویز و نقشہ حاصل کرنے کے لیے متعلقہ پٹواری سے رجوع کیا تو ان کے مطابق پٹواری نے ’’کاغذات کے عوض پانچ لاکھ روپے طلب کیے۔‘‘
ادھر مذکورہ پٹواری فردوس احمد نے ان الزامات کی سختی سے تردید کرتے ہوئے کہا کہ 'ان کی شبیہہ کو خراب کرنے کی کوشش کی جارہی ہے۔'
انہوں نے بتایا ’’وہ کسان نہیں بلکہ ایک دلال ہے، میں اس شخص کو اراضی کے دستاویز نہیں دے سکتا کیونکہ وہ جس اراضی کے دستاویز مجھ سے طلب کر رہا ہے وہ اس نے پہلے ہی فروخت کر دی ہے جس کی عدالت میں تحریر کردہ راضی نامہ کی کاپی میرے پاس موجود ہیں۔‘‘
انہوں نے کہا کہ ان پر لگائے گئے سبھی الزامات بے بنیاد ہیں اور ان کا حقیقت سے کوئی تعلق نہیں۔