باںڈی پورہ میں آن لائن پینٹنگ اور ایکٹنگ مقابلہ کا اہتمام

جموں و کشمیر کے ضلع بانڈی پورہ میں واقع دہلی پبلک اسکول میں آن لائن پینٹنگ و ایکٹنگ مقابلے کا اہتمام کیا گیا۔ جموں و کشمیر پولیس کے ذریعے یہ پروگرام منعقد کیا گیا۔

اس مقابلہ میں سماجی دوری، ماحولیاتی تحفظ، اور حفظان صحت جیسے موضوعات پر زور دیا گیا۔ جنہیں شرکاء نے اپنے فن کے ذریعے بے حد خوبصورتی سے دکھایا۔

تقریب کی صدارت ایس ایس پی بانڈی پورہ راہل ملک نے کی۔ اس کے علاوہ پولیس کے دیگر افسران بھی موجود تھے۔ ایس ایس پی بانڈی پورہ نے شرکاء طلباء کے ساتھ ساتھ منتظمین کی سراہنا کرتے ہوئے کہا کہ 'ایسے تقریبات کے زریعے طلباء کو اپنی فنی صلاحیتوں کو منظر عام پر لانے کا بھرپور موقع ملتا ہے'۔ بعد میں ایس ایس پی بانڈی پورہ اور دیگر سینئر پولیس افسران نے شرکاء میں انعامات اور اسناد تقسیم کی۔