بانڈی پورہ: کلہامہ علاقہ پینے کے صاف پانی سے محروم

جہاں ایک طرف پوری ملک کے لوگوں کو صاف و شفاف پانی فراہم ہیں تو وہیں دوسری طرف شمالی کشمیر ضلع بانڈی پورہ کے کلہامہ علاقے کے لوگوں کو کلوگ دریا کا آلودہ پانی پینے پر مجبور کیا جا رہا ہے کیونکہ محکمہ جل شکتی لوگوں کو صاف پانی فراہم کرنے میں ناکام ہے۔

بانڈی پورہ کے کلہامہ علاقے میں لوگوں کو پینے کے صاف پانی کے حوالے سے شدید مشکلات کا سامنا ہے۔ مقامی لوگوں کے مطابق صاف پانی میسر نہ ہونے کی وجہ سے وہ ایک مقامی دریا کا ناصاف پانی استعمال کرنے پر مجبور ہیں۔

مقامی لوگوں کے مطابق اگرچہ جل شکتی محکمے نے دو سال قبل علاقے میں لاکھوں روپیے خرچ کرکے پائپیں بچھانے کا کام شروع کیا تاہم حقیقت یہی ہے کہ لاکھوں روپیے ہڑپنے کے بعد بھی علاقہ پانی سے محروم ہے۔

مقامی لوگوں نے کہا کہ وہ برسوں سے صاف پانی کے لئے ترس رہے ہیں تاہم ان کی فریاد پر کوئی توجہ نہیں دیتا۔

مقامی لوگوں نے جل شکتی محکمے سے اپیل کی کہ علاقے کو صاف پانی فراہم کرنے کے لئے اقدامات کئے جائیں۔