Missing Man's Dead Body Found بانڈی پورہ میں آٹھ دنوں سے لاپتہ شخص کی لاش برآمد

بانڈی پورہ کے نچھر نالے میں ہفتے کی صبح آٹھ دنوں سے لاپتہ ایک شخص کی لاش برآمد کی گئی۔ قانونی لوازمات پورے کرنے کے بعد لاش کو لواحقین کے سپرد کیا گیا ہے۔

بانڈی پورہ:شمالی کشمیر کے ضلع بانڈی پورہ میں آٹھ دنوں سے لاپتہ ایک شخص کی لاش ہفتے کی صبح ایک نالے سے برآمد کی گئی۔
ذرائع نے بتایا کہ بانڈی پورہ کے نچھر نالے میں ہفتے کی صبح آٹھ دنوں سے لاپتہ ایک شخص کی لاش برآمد کی گئی۔انہوں نے بتایا کہ یہ لاش ماہی گیروں نے دیکھی، جنہوں نے اس کے متعلق پولیس کو مطلع کیا۔ان کا کہنا تھا کہ اطلاع موصول ہوتے ہی پولیس کی ایک ٹیم جائے موقع پر پہنچی اور لاش کو طبی و قانونی لوازمات کی ادائیگی کے لئے اپنی تحویل میں لے لیا۔
متوفی کی شناخت منظور احمد خان ولد نذیر احمد خان ساکن پری بل حاجن کے بطور کی گئی ہے۔بتایا جاتا کہ کہ متوفی پیشے سے ایک سومو ڈرائیور تھا۔دریں اثنا پولیس نے اس سلسلے میں ایک کیس درج کرکے تحغقیقات شروع کی ہیں۔

واضح رہے کہ جموں و کشمیر خاص کر وادی کے متعدد مقامات پر پُر اسرار طور لاش برآمد ہونے کے بڑھتے واقعات کے سبب عوام میں تشویش پائی جا رہی ہے۔ بعض اوقات قتل یا قدرتی موت کے ساتھ ساتھ متعدد بار منشیات کے اوور ڈوز کی وجہ سے بھی لوگوں خاص کو نوجوانوں کی موت واقع ہو جاتی ہے۔
(یو این آئی مشمولات کے ساتھ)