بانڈی پورہ: دریائے جہلم کے باندھ کی مٹی کھسکنے سے مقامی لوگ پریشان

ضلع بانڈی پورہ کے چندگیر ہاکبارہ میں دریائے جہلم کے باندھ کی مٹی کھسکنے سے مقامی لوگوں کو اندیشہ ہے کہ اگر دریائے جہلم کے باندھ کی مرمت فوری طور پر نہیں کی گئی تو علاقے میں سیلابی صور پیدا ہوسکتی ہے۔

شمالی کشمیر، ضلع بانڈی پورہ کے چندگیر ہاکبارہ میں دریائے جہلم کے لیے بنائے گئے باندھ کی مٹی کھسکنے سے مقامی لوگوں نے تشویش کا اظہار کیا ہے۔

مقامی لوگوں کو اندیشہ ہے کہ اگر دریائے جہلم کے اس باندھ کی مرمت فوری طور پر نہیں کی گئی تو علاقے میں سیلاب کا خطرہ لاحق ہوسکتا ہے، کیونکہ دریا میں پہلے سے ہی مسلسل بارشوں کی وجہ سے پانی کی سطح میں اضافہ ہوا ہے جس سے باندھ کے ٹوٹنے کا خطرہ بڑھ گیا ہے۔

مقامی لوگوں کا مطالبہ ہے کہ باندھ کو فوری طور پر تعمیر کیا جانا چاہئے اور اگر ایسا وقت پر نہیں کیا گیا تو علاقے میں سیلابی صورتحال پیدا ہوسکتی ہیں، انہوں نے ضلع انتظامیہ سے اپیل کی ہے کہ جلد از جلد باندھ کے تعمیری کام کو مکمل کیا جائے۔