بانڈی پورہ: 32سالہ مزدور کی حادثاتی موت کے بعد علاقے میں صف ماتم

ضلع بانڈی پورہ میں ولر جھیل میں کام کے دوران حادثاتی طور زخمی ہوئے ایک مقامی مزدور کو فوری طور اسپتال پہنچایا گیا جہاں ڈاکٹروں نے اسے مردہ قرار دے دیا۔

شمالی کشمیر کے ضلع بانڈی پورہ کے چیک بانیاری میں گزشتہ شب ایک مقامی شخص حادثے کا شکار ہوکر ہلاک ہوگیا۔

اطلاعات کے مطابق ولر جھیل میں کام کر رہے ایک مقامی مزدور کی موت اس وقت واقع ہوئی جب وہ پانی کی پائپ جھیل میں اتارنے کے دوران حادثے کا شکار ہو گیا۔

رپورٹس کے مطابق پانی کی پائپ حادثاتی طور اچانک مزدور پر آگری جس کے سبب وہ شدید زخمی ہوگیا۔

ولر جھیل میں کام کر ہے دیگر رفقاء نے اسے فوری طور نزدیکی اسپتال پہنچایا تاہم وہاں ڈاکٹروں نے اسے مردہ قرار دے دیا۔

ایک عہدیدار نے واقعے کی تصدیق کرتے ہوئے کہا کہ چیک بانیاری، بانڈی پورہ میں ولر جھیل میں جاری کر رہا ایک مقامی مزدور حادثے کا شکار ہوکر فوت ہو گیا۔

انہوں نے فوت ہوئے شخص کی شناخت 32 سالہ عبدالمجید ولد عبد الکریم ڈار ساکنہ چیک، بانیاری کے طور پر کی ہے۔

عبد المجید کی حادثاتی موت کے بعد علاقے میں صف ماتم بچھ گئی۔