Martial Arts training in Pahalgam برف پوش پہاڑیوں کے درمیان مارشل آرٹ کی تربیت

سرد ترین علاقے پہلگام کی برفیلی وادی میں بچوں کو مارشل آرٹس کی تربیت دی جارہی ہے۔ ایف ایس ایل ڈی کی جانب سے پہلگام میں ونٹر کیمپس کا اہتمام گیا ہے جہاں بچے سیلف ڈیفنس سیکھ رہے ہیں۔ Martial Arts training in Pahalgam

پہلگام: وادی کشمیر کا مشہور و معروف سیاحتی مقام پہلگام ان دنوں سیاحوں کی دلچسپی کا مرکز بنا ہوا ہے۔ سیاح پہلگام کی برف پوش وادیوں کے حُسن سے محظوظ ہو رہے ہیں۔ سرمائی سیر و تفریح کے شوقین سیاح پہلگام میں تازہ برفباری کے مناظر کا لطف لے رہے ہیں اور برف سے کھیل کر اپنی دلی تمنا پوری کر رہے ہیں۔ وہیں کشمیری بچے بھی اس موسم سے خوب لطف اندوز ہو رہے ہیں۔ کشمیر کے مختلف اضلاع سے آئے ہوئے بچے برف میں مارشل آرٹ کی تربیت حاصل کر رہے ہیں اور سیلف ڈیفنس سیکھ رہے ہیں۔ اس تربیتی کیمپ میں چھوٹے پچوں کے ساتھ ساتھ کافی تعداد میں لڑکیاں بھی ہیں۔

پہلگام کی اس سفید پوش وادی میں مارشل آرٹ کی تربیت حاصل کر نے والے بچوں نے ای ٹی وی بھارت کے ساتھ بات چیت میں کہا کہ کشمیر میں رہنے کے باوجود وہ سردیوں میں یہاں کی خوبصورت نظارے کے دیدار سے محروم تھے۔ تاہم تربیتی کیمپ میں آنے کے بعد انہیں سردی کے ایام میں ان خوب صورت مناظر کو دیکھنا کا موقع ملا۔

بتادیں کہ چلہ کلاں کی شدید ٹھنڈ میں اکثر بچے گھروں کی چار دیواری میں قید ہو کر ان خوبصورت پہاڑی نظاروں سے محروم ہی رہتے ہیں۔ برفیلے نظاروں اور قدرتی خوبصورتی سے بچوں کو متعارف کرانے کے لیے پہگام میں ونٹر کیمپس کا اہتمام کیا گیا ہے جہاں مارش آرٹس کی تربیت سمیت متعدد سرگرمیان انجام دی جارہی ہیں۔ اس موقع پر مارشل آرٹس کی تربیت حاصل کرنے والے بچوں نے لوگوں سے اپیل کی کہ وہ سردی کے دنوں میں یہاں ضرور آئیں اور یہاں کے خوبصورتی نظاروں سے محظوظ ہوں۔ انہوں نے نوجوانوں سے اپیل کی کہ وہ نشے کی لت سے دور رہیں اور اپنے آپ کو کھیل کود میں جیسے دیگر سرگرمیوں میں مصروف رکھیں۔'