بانڈی پورہ: کسان میلے کا انعقاد

شمالی کشمیر کے ضلع بانڈی پورہ میں انتظامیہ نے کسانوں کو مختلف اسکیموں کے بارے میں جانکاری فراہم کرنے کے لیے کسان میلے کا انعقاد کیا۔

بانڈی پورہ میں منعقد کسان میلے کا افتتاح علاقے کے ڈی سی اویس احمد نے کیا۔ یہ میلہ ڈاک بنگلہ سمبل سوناواری میں منعقد کیا گیا جہاں کئی اسٹالز لگائے گئے اور اس میں کسانوں نے بڑی تعداد میں شرکت کی۔

میلے میں جوائنٹ ڈائریکٹر آف ایگریکلچر (جموں و کشمیر) محمد اقبال اور مختلف علاقوں سے آئے ہوئے کسانوں کے علاوہ عوامی نمائندوں نے شرکت کی۔

اس موقع پر ضلع ترقیاتی کمشنر نے ایگریکلچر محکمے کو ہدایات دی کہ کسانوں کی مشکلات کا حل تلاش کرنے اور ان کی ضروریات کو پورا کرنے کے لیے اقدامات کیے جائیں۔

ضلع ترقیاتی کمشنر نے کہا کہ 'ڈیری فارمنگ، مچھلی پالن اور پولٹری فارم جیسے شعبوں کی جانب توجہ دینے کی ضرورت ہے۔ انہوں نے کسانوں کو بھی تلقین کی کہ وہ بھی ہر سرکاری مراعات کا فائدہ اٹھانے کی کوشش کریں۔