کورونا وبا کی وجہ سے جلوس محدود کیا گیا

عوام نے انتظامیہ کے فیصلے پر تعاون کیا اور گاؤں کے اندر ہی جلوس عزا نکالا گیا اور وہیں پہ اختتام پذیر بھی ہوا-

شمالی کشمیر کے ضلع بانڈی پورہ کے سرائے ڈانگرپورہ میں سالوں سے نکالا جانے والا تاریخی جلوس کورونا وائرس کے سبب محدود کر دیا گیا اور جلوس کو سرینگر لیہہ قومی شاہراہ پر اس سال نکالنے کی اجازت نہیں دی گئی-

خیال رہے 12 محرم الحرام کے سلسلے میں منعقد کئے جانے والے اس تاریخی جلوس میں ہزاروں کی تعداد میں عزاداران امام حسین جمع ہوتے تھے اور یہ جلوس سرائے ڈانگرپورہ سے نکالا جاتا تھا اور سرینگر لیہہ قومی شاہراہ پر اسے لے جاتے ہوئے شہتل پورہ کے مقام پہ اختتام کیا جاتا تھا، تاہم اس دفعہ کورونا وائرس کے پیش نظر جاری لاک ڈاؤن کے سلسلے میں لگائی گئی پابندیوں کی وجہ سے اسے سرائے ڈانگرپورہ علاقے کے اندر ہی محدود کر دیا گیا اور سرینگر لیہہ قومی شاہراہ پر نکالنے کی اجازت نہیں دی گئی-

مزید بڑھیں: سرینگر: جلوس کے دوران لاٹھی چارج

قابل ذکر ہے کے متعلقہ عوام نے بھی انتظامیہ کے ساتھ اس فیصلے پر تعاون کیا اور گاؤں کے اندر ہی جلوس عزا نکالا گیا اور وہیں پہ اختتام پذیر بھی ہوا-