کورونا بحران کے دوران عوامی خدمت کرنے والوں کی حوصلہ افزائی

اس موقع پر ضلع ترقیاتی کمشنر نے کہا کہ اگرچہ آج کی تقریب کورونا کے خلاف لڑی گئی جنگ کو بطور خوشی منائی جا رہی ہے۔ تاہم اس کا ہرگز یہ مطلب نہیں ہے کہ کووڈ ختم ہوچکا ہے۔

بانڈی پورہ: جموں و کشمیر کے بانڈی پورہ کے ضلع ہسپتال میں ایک تقریب میں کورونا بحران کے دوران خدمات انجام دینے والے فرنٹ لائن ورکرز کی حوصلہ افزائی کی گئی۔

ضلع ترقیاتی کمشنر کی قیادت میں اس تقریب کا انعقاد کیا گیا۔ اس موقع پر ضلع ترقیاتی کمشنر نے کہا کہ اگرچہ، آج کی تقریب کورونا کے خلاف لڑی گئی جنگ کو بطور خوشی منائی جا رہی ہے۔ تاہم اس کا ہرگز یہ مطلب نہیں ہے کہ کووڈ ختم ہوچکا ہے۔

انہوں نے لوگوں سے مطالبہ کرتے ہوئے کہا کہ یہ وائرس ابھی بھی ہمارے درمیان موجود ہے۔ ہمیں ہر قیمت پر احتیات برتنے کی ضرورت ہے۔

اس موقع پر تعلیم، صحت اور دیگر محکمہ کے ایسے ملازمین موجود تھے، جنہوں نے کورونا بحران کے دوران قابل ستائش کام انجام دیے۔ اس موقع پر سی ایم او بانڈی پورہ ڈاکٹر بشیر احمد کی بھی ستائش کی گئی۔