بانڈی پورہ کے سرحدی علاقہ گریز میں 21 دسمبر 2021 کو پہلی برف باری کے دوران فوج نے صحت کی سہولیات عام لوگوں تک پہنچانے کے حوالے سے ایک مہم کا آغاز کیا تھا، جس کے تحت گزشتہ تین مہینوں کے دوران علاقے کے مختلف مقامات پر میڈیکل کیمپ کا انعقاد کیا گیا۔ اس مہم کے تحت کئی سنگین مریضوں کو شدید برف باری کے دوران گریز سے ہیلی کاپٹر کے ذریعے بانڈی پورہ پہنچایا گیا۔ کئی علاقوں میں گھر گھر جاکر مریضوں کی جانچ پڑتال کرنے کے علاوہ ان میں ادویات بھی تقسیم کیں گئے۔ Free Medicine Distribution Program
Free Medicine Distribution Program: گریز کے جلنڈورا گاؤں میں فوج نے مفت ادویات تقسیم کیں یہ بھی پڑھیں: بارہمولا: فوج کی جانب سے مفت میڈیکل کیمپ
اسی مہم کے تحت ایک بار پھر جلنڈورا گاؤں میں فوج نے گھر گھر جاکر درجنوں مریضوں کی جانچ پڑتال کرنے کے علاوہ ان میں ضروری ادویات بھی تقسیم کیں۔ اس کے علاوہ مقامی لوگوں کو کووڈ جیسی صورتحال سے بچنے اور احتیاطی تدابیر سے آگاہ کیا گیا۔ وہیں اس موقع پر دیگر ادویات کے ساتھ ساتھ وٹامن اے بھی تقسیم کیا گیا۔ اس موقع پر مقامی لوگوں نے فوج کی اس مہم کی سراہنا کرتے ہوئے کہا کہ ان کے علاقے میں صحت کی بنیادی سہولیات کا فقدان ہے۔ تاہم، فوج نے اکثر مواقع پر ان جیسے پسماندہ علاقوں کی طرف توجہ دے کر راحت پہنچائی ہے۔ Free Medicine Distribution Program In Gurez
