جموں و کشمیر یتیم فاؤنڈیشن نے علی بنات فاؤنڈیشن نامی این جی او کے اشتراک سے آج بانڈی پورہ کے نادم میموریل ہائر سیکینڈری اسکول میں فری میڈیکل کیمپ کا انعقاد کیا۔
طبی کیمپ میں دور دراز علاقوں سے آئے درجنوں افراد نے اپنی جانچ کرائی۔ طبی جانچ کے دوران شیر کشمیر میڈیکل انسٹی ٹیوٹ صورہ اور جے وی سی سے تعلق رکھنے والے ڈاکٹر موجود تھے۔
کیمپ کا انعقاد کرنے والے این جی نے کہا کہ کووڈ 19 کے باعث دور دراز اور دیہی علاقوں سے تعلق رکھنے والے مریض سرینگر یا ملک کے دیگر علاقوں تک علاج ومعالجے کرانے کے لئے نہیں پائے، اس لئے اس کیمپ کے ذریعہ انہیں علاج فراہم کرایا جا رہا ہے۔
فاؤنڈیشن کے عہدیدار نے بتایا کہ جموں و کشمیر یتیم فاؤنڈیشن پچھلے بیس برسوں سے یتیموں بیواؤں اور دیگر ضرورتمندوں کی مدد کرتا رہا ہے اور آج کا فری کیمپ بھی اسی سلسلے کی ایک کڑی کے تحت ہے، جس میں علی بنات نامی فاؤنڈیشن اور کئی ڈاکٹروں نے ہمیں بھر پور تعاون فراہم کیا ہے۔
اس موقع پر مریضوں کے درمیان مختلف قسم کی ادویات تقسیم کی گئی اور کیمپ میں شامل افراد کو کووڈ 19 سے نمٹنے کے احطیاتی طور طریقوں سے بھی آگاہی فراہم کیا گیا۔
