بادل پھٹنے سے کئی دیہات زیر آب

شمالی ضلع بانڈی پورہ کے جنگلات میں بادل پھٹنے کے باعث کئی دیہاتوں کی سڑکیں اور رہائشی مکانات زیر آب آ گئے ہیں۔

نمائندے کے مطابق گزشتہ شب بادل پھٹنے سے ضلع کے ارن، بھوٹو اور اہم شریف کے دیہات میں سیلابی صورتحال پیدا ہو گئی ہے۔ سڑکیں ندی نالوں میں تبدیل ہو چکی ہیں اور رہائشی مکانوں میں پانی گھسنے سے مقامی باشندوں میں خوف طاری ہو گیا ہے۔

بعض افراد نقل مکانی میں ہی عافیت محسوس کر رہے ہیں۔

عمارتوں کے علاوہ پانی کے اس تیز بہائو سے فصلوں کو بھی شدید نقصان پہنچا ہے۔