باںڈی پورہ: کووڈ-19 کے پیش نظر ادویات کا چھڑکاؤ

شمالی کشمیر کے ضلع بانڈی پورہ میں کورونا وائرس کے پہلے مشتبہ کیس کے سامنے آنے کے بعد میونسپل کمیٹی سمبل نے بڑے پیمانے پر سمبل قصبہ میں جراثیم کش دوائی چھڑکنے کا عمل شروع کیا ہے۔

میونسپل کمیٹی سمبل نے بدھ کو شدید بارش کے باوجود پورے سمبل قصبہ کو سینیٹائز کرنا شروع کیا ہے اور ان کے مطابق یہ عمل جاری رکھا جائے گا- اس دوران میونسپل عملہ نے مین مارکیٹ سمبل کے علاوہ، دفاتر اور ہیلتھ مراکز کے آس پاس بھی جراثیم کش ادویات کا چھڑکاؤ کیا تاکہ علاقے میں کورونا وائرس کے پھیلاؤ کو روکا جا سکے-

خیال رہے کہ منگل کو ضلع میں پہلا کورنا وائرس سے متاثر کیس سامنے آیا ہے۔ جس کے بعد وائرس کے مزید پھیلنے سے روکنے کے لئے ضلع انتظامیہ مزید متحرک ہوئیباںڈی پورہ: کووڈ-19 کے پیش نظر ادویات کا چھڑکاؤ-

بتادیں کہ انتظامیہ نے پورے ضلع میں مزید بندشیں عائد کردی تاکہ یہ وائرس بانڈی پورہ ضلع میں مزید نہ پھیل سکے-

خیال رہے کہ کورونا وائرس عالمی وبا قراد دی جا چکی ہے۔ چین کے وہان شہر سے پھیلنے والے اس وائرس سے دنیا بھر میں 18 ہزار سے زائد افراد ہلاک ہو چکے ہیں۔

بھارت میں کووڈ-19 سے متاثرین کی تعداد 500 سے زائد ہو چکی ہے جبکہ اس سے ہلاک ہونے والوں کی تعداد 11 ہو چکی ہے۔