بانڈی پورہ: شمالی کشمیر کے بانڈی پورہ ضلع کے سمبل، سوناواری علاقے میں’’ماحولیات کے تحفظ‘‘ کے حوالے سے بچوں میں ایک پینٹنگ مقابلہ کا اہتمام کیا گیا جس میں درجنوں طلباء و طالبات نے حصہ لیکر ماحولیات کے تعلق سے اپنے فن کا مظاہرہ کیا۔ پروگرام کا اہتمام ’گرین کشمیر ریولوشن‘ نامی ایک غیر سرکاری تنظیم نے بیبیز لینڈ(babies land) سیکندری سکول سمبل میں کیا گیا تھا۔
بانڈی پورہ میں پینٹنگ مقابلہ منعقد
منتظمین کے مطابق پینٹنگ مقابلہ کے انعقاد کا مقصد بچوں میں ماحولیات کے تحفظ کے حوالے سے بیداری پیدا کرنا تھا۔ پینٹنگ مقابلے میں مختلف اسکولوں سے تعلق رکھنے والے طلباء نے حصہ لیا اور ماحولیات کے تعلق سے اپنے فن کا مظاہرہ کیا۔ اس موقع پر پرنسپل ہائیر سیکنڈری اسکول شادی پورہ، جی ایم پُجو، مہمان خصوصی کے طور پر موجود رہے اس کے علاوہ گرین ریولیوشن تنظیم کے اراکین و رضاکار بھی یہاں موجود تھے۔